قصه جميله تستحق القراءه

موقع أيام نيوز

يقول صاحب القصه
النهارده كنت في مدينة نصر .. الساعة 6 ونص الصبح .. قولت أضرب عصفورين بحجر .. وأفطر من عربية فول ، واقعد شوية لحد ما الشركة تفتح الساعة 8 ..
جبت طلب فول زيت حار .. جابهولي شخص رقم 1.. بس الملح كان زيادة شوية .. بعدها ب دقيقتين جه ع العربية شخص رقم 2 ..
وواضح أنه هو الليدر لأنه كله وسع ووقف مسك عصاية القدرة .. ومعروف إن اللي يمسك القدرة هو الليدر 😂 ..
عمره لا يتجاوز ال 25 سنة. 
المهم بصلي .. وتقريبا حس بحاجة .. قالي : يا هندسة .. شكلك عاوز تقولي حاجة .. 
وديه #أول حاجة انبهرت بيها .. لأني ركزت معاه بعدها ولاقيته عين على الشغل اللي في أيده .. وعين على كل حاجة حواليه .. لدرجة إنه خد باله من إني بافكر أقول حاجة ..
درس في فن الإدارة بالمتابعة والرقابة ( Manage by Monitoring and Control)

#المهم 2..
قولتله بصراحة الفول مالح شوية ، بس تمام وشغال .. حلف إنه ياخده يظبطه ، وزود فول وطحينة وجابهولي ..
#درس في رضا العميل (Customer Satisfaction)

#المهم 3.. وده أهمهم ..
نده على حد جوه .. (مصطفى) وهو ده اللي جابلي الطبق أول مرة .. قاله (بصوت واطي جداً.. بس على مين أنا كمان ركزت معاه جداً عشان لازم اسمعه).. قاله إنت اللي محوج الطلب ده ؟ وشاور (بعينه بس) ناحيتي .. 



قاله آه .. قاله أنا كنت متأكد .. مش أنا قولتلك يا درش طالما ما بتعرفش تحوج .. اعملها بصياعة وإدي الزبون من غير ملح .. وقوله حط الملح على مزاجك .. وكإنك جبتها بجميلة ؟ قاله من عيني يا معلم معلش ..

وهنا سأسكت قليلا .. وهقوم أسقف .. إنت عملت كل حاجة في الإدارة بحاول اتعلمها من سنين ..

#إزاي تعمل Coaching .. إزاي تطلع Solution وإزاي تعمل Solution Adaptation مناسب لشخص .. إزاي عارف Skills الناس إللي معاك لدرجة إنك ماسألتش وعرفته ... إزاي وإزاي حاجات وتفاصيل تانية حصلت..

ده واللي زيه أشخاص ناجحين .. صاحية لشغلها .. صاحية لفريقها .. صاحية ل زباينها .. صاحية لكل حاجة حواليها .. فلازم ينجح .. عاجلاً أو آجلا ..
................

                    ـ•┈┈┈••✦✿✦••┈┈┈•ـ